In lyts stikje, yn fûgelflecht, oer mysels... 

Ik bin Rieneke de Haan en nei krap oan njoggen  jier werom by de Fryske Krite op de Jouwer.

Yn 1999 die ik myn yntree by de Fryske Krite. Ik wie dwaande mei myn rezjy oplieding en by de Krite krige ik de kâns om myn eineksamen te dwaan. In moaie tiid en in soad erfaring opdien. Nei fjouwer kear de Revu en twa Krite stikken fûn ik it tiid om myn wurk fjild te ferbreedzjen.

Yntusken bin ik njoggen iepenloftspullen en in oantal prachtige projekten fierder. Ik ha mei profesjonele akteurs wurke yn ferskate produksjes en sa in protte leard. Al dwaande kaam ik der efter dat ik muzyk teater doch it moaiste fyn om te dwaan.

Dêr leit myn passy.

Myn rezjy kin ik prachtich kombinearje mei ús bedriuw Diamond Sound Systems dat ik tegearre mei myn kompanjon Gert Heeringa ha. Troch it wurk komme wy op ferskate lokaasjes en sjogge we fansels ek de moaiste teater produksjes dêr’t  we in soad ynspiraasje út helje.

Ek foar de nijjiersrevu fersoargje wy al 25 jier de technyk. Sadwaande koe ik dus ek de ôfrûne jierren de revu wat  folgjen bliuwe...........

Nei sawat fjirtsjin jier oan ien stik troch drok west te hawwen mei rezjy en spyljen hie ik  besletten om it in jier rêstich oan te dwaan. En doe  stie it Krite bestjoer  op de stoepe.......of ik de 26^e Nijjiersrevu regissearje woe. 

Ik ha der in nachtsje oer sliepe moatten, it thúsfront meinaam yn myn beried en dan blykt wer dat it bloed krûpt wer it net gean kin!

Ûnderwilen binne de audysjes west en ha ik in prachtige groep spilers: nije gesichten en bekende gesichten en sels ien spiler dy’t krekt as ik sels nei njoggen jier wer fan de partij is......

Revu  is in prachtige foarm fan amusemint. Muzyk, sketskes, humor, snelle wikselingen, de “glitter en glamour”! Dit is dêr’t wy as groep hurd oan wurkje en we hoopje  jimme allegear op de 26^e  Nijjiersrevu te moetsjen en dat de Revu wurde sil sa as wy it foar eagen hawwe:

In sprankeljend Hichtepunt!

Oant safier efkes yn fûgelflecht..... en graach oant de 26^e Nijjiersrevu!

Freonlike groetnis,

Rieneke de Haan

Doetie Wiersma foar it fuotlljocht.

No goeie allegear. Myn namme is Doetie Wiersma-Zondervan.

Yn Harns bin ik berne op 29-11-1961.

Yn Terkaple lizze myn bernejierren. Op de legere skoalle is myn toaniel karriêre begûn.

Ik woe doe allinnich mar in blom spylje, want dan hoegde ik neat te sizzen.

Nei de legere skoalle koene we nei de famkes club “het Mosterdzaadje”.

Dêr hienen we ien kear yn ‘t jier in bûntejûn (in soarte revu) en hie ik al wat mear tekst, dat wie gau klear fansels. Ien rol kin ik mij noch goed heuge, doe wie ik in bûksprek poppe.

Wer wat âlder koest nei de jongerein, dêr’t ik myn earste toanielstik spiele ha. Myn heit wie doe regisseur, it wie in moaie tiid.

Yn die tiid learde ik Sjoerd kennen, bin mei him troud en kamen te wenjen op ’e Jouwer. We krigen 3 bern, Nanne, Wiep en Cornelis.

Mei Sjoerd syn heit gie ik doe in kear nei it Vlecke toniel. It gerdyn gie iepen en ik tocht; “dêr wol ik ek stean“.

Sadwaande kaam ik bij it Vlecke toaniel terjochte. Wer ik no ûngefear 16 jier spyljend lid fan bin.

Doe’t ús bern op de basisskoalle sieten ha se mij frege oft ik Swarte Pyt spylje woe. Dat doch ik no al wer 10 jier mei in soad wille.

De 10^de nijjiersrevu wie de earste revu die ik sjoen ha. Ik bin der 2 kear hinne west, sa moai fûn ik it.

Yn it jier 2000 spile ik sels mei yn de revu, neidat we audysje dien hienen. Dit wie ferskrikkelik spannend foar my.

De audysje wie doe ûnder lieding fan Rieneke de Haan, Lammie Toering en Aukje Steeman.

Yn 2001 wie ik mei Tsjerk Jan Adema in flearmûzen spantsje, dat as reade tried troch de hiele revu hinne rûn. Dat wie machtich moai om te spyljen. Ús dochter Wiep hat ek in pear jier yn de revu mei spiele. Dat wie wol in moaie erfaring.

No 2011, nei 12 jier, wer in audysje en al wer ûnder lieding fan Rieneke de Haan en wer wie it spannend. We moasten allegear allinnich sjonge, wat net myn sterkste punt is. Mar it gie eins best wol goed, dat wa wit, sjogge jim mij nochris as sjongster op it toaniel, ha, ha.

We ha no in groepke fan 10 spilers. Ik bin tige benijd, hoe as it komt fan’t jier.

Nije rezjy, de ploech is aardich ynkoarten en der binne wer nije gesichten by.

We ha der wer sin oan. Ik soe sizze oant sjen yn jannewaris 2012.

In groet fan Doet.   HOI.

Sieger Bijsterveld, Harmen Houtman, Thea de Lange, Jan Mink en Aukje Steeman.

Tim Adema, Peter Braam, Thea de Lange, Tea Osinga, Folkeline Papjes, Sicco de Ree,  Björn Sinnema, Joke Tromp,

Doetie Wiersma en José van Zutphen

Oare meiwurkers

Anke Algra en Jacqueline Swart (grime)

Eelco de Hoog en Sieger Rinsma (ljocht en lûd, yn gearwurking mei Diamond Sound Systems),

Rinse Oort – Harry de Hoog - Freddy Jonkman - Albert de Graaf - 

Martin de Boer - Hotze Sijsling - Harm Stuiver - Jozef van Aalsum - 

Wieger Wijning - Mark Wijning en Jan van der Werf (dekor)

Andre, Stefan en/of Mark Boersma (omballingen)

Judith Jonkman - Brattinga (koreografy)

Dûnsjen

Ferlotting

Yn it skoft is der in ferlotting mei as haadpriis in tocht mei in loftballon, beskikber steld troch Action Ballooning fan 'e Jouwer.

Fierder dan noch sa 'n 10 oare moaie prizen, weardebonnen en lekkere wyn.